DECORANDO DE SAMAÍN

 HOXE O COLE APARECEU CHEO DE CABAZAS DE SAMAÍN.

AS NENAS E NENOS DO COLE, COA AXUDA DAS FAMILIAS, CONTRIBUÍRON Á CELEBRACIÓN DE SAMAÍN, QUE FESTEXAMOS MAÑÁ NO COLE, CON DECORACIÓN DE CABAZAS. PARA UNILAS Á TEMÁTICA DO NOSO PROXECTO DESTE CURSO, PEDIMOS QUE CADA CICLO CONTRIBUÍRA CON CABAZAS DO ELEMENTO CORRESPONDENTE.

ASÍ OS RAPACES DE INFANTIL TROUXERON CABAZAS CON TEMÁTICA DE TERRA, OS DE 1º CICLO CON AUGA, OS DE 2º CICLO CON AIRE E OS DE 3º CICLO CON LUME....

E QUEDOUNOS UNHA DECORACIÓN CHULÍSIMA. PARABÉNS A TODAS E TODOS OS QUE PARTICIPÁCHEDES NA ACTIVIDADE.

AQUÍ VOS DEIXO ALGUNHAS FOTOS DAS CABAZAS E OS LIBROS DE TEMÁTICA MEDOÑENTA QUE TEMOS NA BIBLIOTECA. NON DUBIDEDES EN LEVAR ALGÚN DESTES TÍTULOS EN PRÉSTAMO NAS VINDEIRAS OPORTUNIDADES.

LEMBRADE QUE MAÑÁ NA MAÑÁ, ENTRE AS 9 E AS 10, AÍNDA PODEDES VIR VER A EXPOSICIÓN.

RECUNCHO DO PROXECTO

 ESTAMOS AVANZANDO NA CREACIÓN DO RECUNCHO DO PROXECTO DOS ELEMENTOS.

GRACIAS AO GRAN TRABALLO DA COORDINADORA, O PROXECTO VAI TOMANDO FORMA E AS ALUMNAS E ALUMNOS AMÓSANSE MOTIVADOS E EXPECTANTES COA TEMÁTICA QUE ELEXIMOS PARA ESTE CURSO.

DÉIXOVOS AQUÍ ALGUNHA FOTO DO RECUNCHO. ESTAMOS A PENSAR NALGUNHA OPORTUNIDADE PARA INAUGURALO E XA VOS CONTAREI...

DÍA DAS BIBLIOTECAS

 HOXE, 24 DE OUTUBRO, CELÉBRASE O DÍA DAS BIBLIOTECAS ESCOLARES. ESTE CURSO O LEMA É 'TECENDO COMUNIDADES'

 POR ISO BRILLANTINA QUIXO FACER UNHA PEQUENA FESTA PARA TODA A COMUNIDADE EDUCATIVA.

PRIMEIRO MANDOUNOS UNHA CARTA EXPLICANDO O QUE PENSABA FACER:

DESPOIS PREPAROU UN ESPAZO NO QUE SENTOU A AGARDAR POR NÓS. ALÍ QUEDOU LENDO O LIBRO DE ELEMENTAL, RELACIONADO CO PDI DESTE CURSO, E CUN AGASALLO PARA CADA AULA, FORMADO POR LIBROS PARA AS DISTINTAS BIBLIOTECAS DE AULA, MAIS A MOCHILA VIAXEIRA DESTINADA A CADA GRUPO.

AGORA AGARDA POLA NOSA VISITA. 

AO LONGO DA MAÑÁ PASARÁN OS DISTINTOS GRUPOS A RECOLLER A SÚA MOCHILA E OS LIBROS PARA A BIBLIOTECA DE AULA...

OS MÁIS NOVOS DO COLE, OS DE 4º DE INFANTIL, VISITARON POR PRIMEIRA VEZ A BIBLIOTECA, A CASA DE BRILLANTINA, E ALÍ VIRON A PELÍCULA NA QUE EXPLICA A VIAXE DE BRILLANTINA...

REUNIÓN DO CONSELLO INFANTIL

 O PASADO VENRES CELEBROUSE NA BIBLIOTECA DO COLE A PRIMEIRA REUNIÓN DO CONSELLO INFANTIL DESTE CURSO.

OS REPRESENTANTES DO ALUMNADO FORON: LÍA E TONI DE 6º DE INFANTIL, JULIA E BREIXO DE 1º, DIEGO E PABLO DE 2º, NAIR E SIMÓN DE 3º, LUÍS DE 4º, NAGORE E BREIXO DE 5º E AMARO E ADRIÁN DE 6º. GRACIAS, RAPAZAS E RAPACES POLA VOSA PARTICIPACIÓN.

TRATARON DOUS ASUNTOS MOI IMPORTANTES PARA TODOS NÓS: A LIMPEZA DO PATIO E O MELLOR XEITO DE TRABALLAR OS ELEMENTOS NATURAIS (O NOSO PDI DESTE CURSO).

AQUÍ VOS DEIXO O ENLACE PARA O VIDEO PUBLICADO NO ÍNSTAGRAM DO COLE.

https://www.instagram.com/reel/CyoLmhaMyRf/?igshid=MTc4MmM1YmI2Ng==

MOCHILAS VIAXEIRAS

 A VINDEIRA SEMANA, CO GALLO DO DÍA DAS BIBLIOTECAS, EMPEZAREMOS A ENVIAR ÁS  AS MOCHILAS VIAXEIRAS.

ESTE CURSO VEÑEN CARGADIÑAS DE NOVIDADES. ADEMAIS DE CONTOS, LEVAN ALGÚN XOGO E LIBROS DE COCIÑA. A IDEA É QUE POIDADES DESCUBRIR NA CASA A SATISFACCIÓN DE ELABORAR RECEITAS DE COCIÑA COMO ACTIVIDADE COMPARTIDA NAS FAMILIAS.

ESPERAMOS QUE VOS GUSTE O NOVO FORMATO DAS MOCHILAS...

COMO SEMPRE, DENDE O EQUIPO DA BIBLIOTECA, E COA AXUDA DE BRILLANTINA, SEGUIMOS A TRABALLAR PARA TODA A COMUNIDADE EDUCATIVA. 

GRACIAS...

ADEMAIS CADA MOCHILA LEVARÁ UNHA LISTAXE DO CONTÉN E A PETICIÓN DE QUE COLABOREDES COLOCANDO UNHA PEGATINA NO LIBRO E NO XOGO QUE MÁIS VOS GUSTE. TAMÉN PODEDES, SE QUEREDES, MANDARNOS ALGUNHA FOTO SE PODEDES FACER ARTE CUNHA RECEITA DE COCIÑA.